Keh kuch tha hi nahi

Chuuo tau jaan nahi
Kaato tau lahu nahi
Dekho tau harkat nahi
Saath mein shirkat bhi nahi
Samjho tau hosh nahi
Poocho tau main hoon hi nahi

Kadam chal rahe hain
Aik ke baad aik
Dekho tau simmat nahi
Jaano tau himmat nahi
Roko tau rukte bhi nahi
Poocho tau uthe hi nahi

Baat ho rahi hai
Aik ke baad aik
Suno tau sar per nahi
Socho tau suragh nahi
Jaano tau kuch hai hi nahi
Poocho tau koi nikli hi nahi

Muskurahat bhi chal rahi hai
Aik ke baad aik
Dekho tau jaan nahi
Socho tau matlab bhi nahi
Jaano tau aas nahi
Poocho tau woh thi hi nahi

Waqt ja raha hai
Aik ke baad aik
Socho tau samajh mein nahi
Jaano tau bacha hi nahi
Roko tau rukta hi nahi
Poocho tau kya kabhi tha hi nahi